NƏHC-ül-BƏLAĞƏ-46-CI XÜTBƏ
İmam Əli əleyhis-salamın (Şama doğru hərəkət etmək qərarına gəldiyi vaxt buyurduğu) kəlamlarındandır.
İlahi! Səfərin məşəqqətindən, (yaxınların ölümü və ya malın tələf olmasından yaranan) dönüşün kədərindən, (camaatın) əhli-əyala, mala və övlada pis baxışından Sənə pənah gətirirəm. Allahım, Sən səfərdə yoldaşım, ailəmdə isə canişinimsən. Səndən başqa səfərdə yoldaşım, vətənimdə isə canişinim ola biləcək kimsə yoxdur. Çünki (vətəndə) hər kim canişin olsa, (səfərdə) yoldaş olmaz, yoldaş olan isə canişin deyil.
(Seyid Rəzi buyurur:) Bu sözlərin əvvəli Allahın peyğəmbərindən (səlləllahu əleyhi və alih) nəql olunur və Həzrət əleyhis-salam ondan sonra وَلا يَجْمَعُهما غيْرُكَ sözündən buyuruğunun sonuna qədər ən bəlağətli kəlmələr işlətmiş və onu ən gözəl şəkildə tamamlamışdır.
وَ مِنْ كَلامٍ لهُ عليه السلام
( عند عزمه على المسير إلى الشام
و هو دعاء دعا به ربه عند وضع رجله في الركاب)
اللَّهُمَّ إِنِّي أَعُوذُ بِكَ مِنْ وَعْثاءِ السَّفَرِ، وَ كَآبَةِ الْمُنْقَلَبِ وَ سُوءِ الْمَنْظَرِ فِي الْأَهْلِ وَ الْمَالِ وَ الْوَلَدِ. اللَّهُمَّ أَنْتَ الصَّاحِبُ فِي السَّفَرِ، وَ أَنْتَ الْخَلِيفَةُ فِي الْأَهْلِ، وَ لاَ يَجْمَعُهُما غَيْرُكَ؛ لِأَنَّ الْمُسْتَخْلَفَ لا يَكُونُ مُسْتَصْحَباً، وَ الْمُسْتَصْحَبَ لاَ يَكُونُ مُسْتَخْلَفاً.
قال السيد الشريف رضي اللَّه عنه: وابتداء هذا الكلام مرويّ عن رسول اللَّه صلى الله عليه وآله وسلم، و قد قفَّاه أميرالمؤمنين عليه السلام بأبلغ كلام و تممه بأحسن تمام، من قوله: "وَلاَ يَجْمَعُهُمَا غَيْرُكَ”. إِلى آخر الفصل.
Hazırladı: Rəsul Mahmudzadə
Ardı var...
______________________________________________________________________
1. Kufə şəhərinin yaxınlığında Nuxeylədə Müaviyə ilə döyüş üçün mübarək ayağını üzəngiyə qoyduğu vaxt, səfərə çıxmaq və yaxınları, ailəsini Allahın amanına tapşırmaq üçün ən yaxşı dua olan buradakı duanı oxudu.
